羅鷹石

维基百科,自由的百科全书
跳转至: 导航搜索

羅鷹石(Lo Ying Shek,1913年-2006年9月1日),香港地產商鷹君集團的創辦人,廣東普寧人。

他育有6子3女,包括羅嘉瑞(香港創業板主席)、羅旭瑞(百利保控股主席)、羅康瑞,三者都分別成為了香港地產界的重量級人物。

羅鷹石的祖父在清朝年代已經到泰國工作,所以羅鷹石在7歲時也跟父親到泰國生活,做雜貨布疋買賣,賺一筆錢。1938年他帶三萬元返香港,初時在南北行做洋雜生意,連廣東話都唔識。到56年,見內地難民大量湧入,於是搞地產,一年內賺十萬蚊,豐厚利潤令佢決心大搞。63年成立鷹君,好快就壯大成一線地產商。

鷹君助理董事李澄明形容羅鷹石為人純樸,熱愛工作,近十年雖然半退休,但每日仍然按時上班,羅嘉瑞亦會定時向佢報公司事務,大事一定跟老人家商量。羅鷹石太太85歲,仍係公司董事。白手興家。

羅鷹石平日最鍾意行山、睇書、寫書法;逸東軒就掛有其墨寶。雖然家財億萬,但羅鷹石出入並冇保鑣跟身,佢衣樸素、飲食簡單,在街上同平常老人家無異。聽鷹君人講,佢對公司上下相當客氣,從無發脾氣或呼喝下屬。

羅鷹石家教甚嚴,但深得子女敬重;雖然22年前羅旭瑞敵意收購鷹君旗下富豪酒店及百利保,令人以為他們兩父子不和。但李澄明強調一切事過境遷,一家人經常同食飯,已絕無芥蒂。

參看[编辑]

外部連結[编辑]