東京夢華錄

《東京夢華錄》係北宋遺老（舊臣）孟元老喺公元1147年寫好，去到公元1187年先至初次出版既書，屬於宋朝筆記類別，全套書總共有十卷。

係一本描寫北宋宣和年間東京汴梁城（現河南省開封市）既社會生活舊事之著作。係孟元老追憶、描述宋徽宗崇甯（公元1102-1106年）、大觀（公元1107-1110年）、政和（公元1111-1118年）、重和（公元1118-1119年）、宣和（公元1119-1125年）呢23年，喺北宋既汴梁（又叫做汴京、東京，即係依家既河南省開封市）既筆記體著作。呢套書描繪咗汴梁上至貴族、下及百姓既生活全景同埋都市風貌，涵蓋咗城市佈局、河道街巷、店鋪攤肆、飲食起居、吃喝玩樂、歲時物貨、典章制度、風俗禮儀等。

内容

孟元老喺正式既歷史書裏面無點提到，但係清代既學者常茂徠認為孟元老好可能就係孟揆。《東京夢華錄》記載咗北宋徽宗年間汴梁城既景觀，包括當時既城郭河都市風貌，涵蓋咗城市佈局、河道街巷、各級官員、商店食肆、民風習俗、市集買賣、旅遊景點、生活百貨、過節用品。例如飲食起居方面，提到酒店「必有廳院，廊廡掩映，排列小閣子，吊窗花竹，各垂簾幕，命妓歌笑，各得穩便」，開封城有「夜市」、「早市」同埋「鬼市」。居民消費數量十分龐大。根據《東京夢華錄》卷二講「朱雀門外街巷」係「唯民間所宰豬，須從此入京，每日至晚，每群萬數」。

汴梁係當時北宋既政治、經濟中心，《東京夢華錄》描述咗當時奢侈既社會風氣，例如：「舉目則青樓畫閣，繡戶珠簾。雕車競駐於天街，寶馬爭馳於御路，金翠耀目，羅綺飄香；新聲巧笑於柳陌花衢，按管調弦於茶坊酒肆。八荒爭湊，萬國咸通。集四海之珍奇，皆歸市易；會寰區之異味，悉在庖廚。」

目錄

《東京夢華錄》，全套書總共有十卷：

• 卷一：東都外城、舊京城、河道、大內、內諸司、外諸司
• 卷二：御街、宣德樓前省府宮宇、朱雀門外街巷、州橋夜市、東角樓街巷、潘樓東街巷、酒樓、飲食果子
• 卷三：馬行街北諸醫鋪、大內西右掖門外街巷、大內前州橋東街巷、相國寺內萬姓交易、寺東門街巷、上清宮、馬行街鋪席、般載雜賣、都市錢陌、雇覓人力、防火、天曉諸人入市、諸色雜賣
• 卷四：軍頭司、皇太子納妃、公主出降、皇后出乘輿、雜賃、修整雜貨及齋僧請道、筵會假賃、會仙酒樓、食店、肉行、餅店、魚行
• 卷五：民俗、京瓦伎藝、娶婦、育子
• 卷六：正月、元旦朝會、立春、元宵、十四日車駕幸五嶽觀、十五日駕詣上清宮、十六日、收燈都人出城探春
• 卷七：清明節、三月一日開金明池瓊林苑、駕幸臨水殿觀爭標錫宴、駕幸瓊林苑、駕幸寶津樓宴殿、駕登寶津樓諸軍呈百戲、駕幸射殿射弓、範苑內縱人關撲遊戲、駕回儀回
• 卷八：四月八日、端午、六月六日崔府君生日二十四日神保觀神生日、是月巷陌雜賣、七夕、中元節、立秋、秋社、中秋、重陽
• 卷九：十月一日、天寧節、宰執親王宗室百官入內上壽、立冬
• 卷十：冬至、大禮預教車象、車駕宿大慶殿、駕行儀衛、駕宿太廟奉神主出室、駕詣青城齋宮、駕詣郊壇行禮、郊畢駕回、下赦、駕還擇日詣諸宮行謝、十二月

參考

• 隋唐長安城與北宋東京 (汴梁) 城的比較研究

外部連結

• 王德威：〈千年华胥之梦：董启章、孟元老“梦华体”叙事Wayback Machine嘅版面存檔備份〉。
• 東京夢華錄 - 開放文學