粵語: 光復革命旗。黃色，代表黎明、光復；黑色，代表革命。黃黑色嘅含義直接指向香港人多年來嘅運動：運動初期前線示威者嘅裝備以黃色嘅頭盔，同埋黑色嘅黑群為主；而黃色亦同2014年雨傘運動相連結，喺香港社運史上具有象徵性意義。

黃色初期有中共長期壓迫之下揭竿而起嘅含義，佢包含住最初期嘅和平、理性、非暴力思想，靈活，同埋香港人舉世聞名嘅自律性。另外呢隻顏色所延伸出來嘅代表性物品——遮，本身亦有保護、照顧嘅含義。黃色同樣令人勾起梁凌杰喺2019年6月15日一躍而下，成為第一位輕生示威者嘅回憶，令到黃色有不屈服、堅持信念、生命嘅高度呢三項進一步升華嘅含義。黃色足以代表保護香港核心價值，捍衛香港人自由同民主嘅意思。

黑色有無分你我、合眾一心、隱藏性強、勇氣、直接衝擊政權嘅含義。黑色畀人一種莊重嘅儀式感同壓抑嘅情緒，令人諗起同死亡相關嘅話題，自反修例運動開始頻生嘅人口失蹤案、自殺案，呢一啲都係組成民眾憤怒情緒不可或缺嘅部分。黑色代表香港人放棄安穩生活，走上抗爭之路嘅沉重感、代表無人能及嘅勇氣同堅毅。

值得一提嘅係呢兩種主色組成早期反修例運動國際戰線嘅基調。

光復革命旗象徵抗爭下嘅香港人充滿創意，而且面對極權堅毅不屈、和勇合一、戰術靈活。其清晰、極簡之餘有意義，同埋容易辨認。