User:Sigallo/沙盒

香港蔴雀常用番種

香港蔴雀係蔴雀嘅其中一種玩法，雖然同廣東蔴雀差唔多，但番種少好多，實際上係屬於較傳統嘅「清章」（一說「舊章」）打法，有別於新章嘅廣東蔴雀。

遊戲規則，最快集齊「四組一對」就勝出（十三幺係唯一唔同嘅番種）。「四組一對」即集齊「順子」同／或「刻子」共四組，加「眼」一對。

根據自訂規則，通常打三番起胡，最大打八番或十番為上限（網路遊戲較常見最大打十三番）。

以下係香港蔴雀常用番種，如果有打花牌就唔計門前清依個番種。

一番[编辑]

無花：沒有任何花牌。
正花：花牌號數跟坐位吻合。花牌上嘅號碼1等於東，2等於南，3等於西，4等於北。如果坐嘅位置同摸返黎嘅一樣有一番。
門前清^[1]：沒有上、碰、槓^[2]過牌。
平胡：只有順子，沒有刻子嘅糊牌。眼可以係番子。^[3]
自摸：食糊牌由自己摸返嚟。
番牌：有以下番子嘅刻子：紅中、發財、白板；
風牌：門風、圈風。門風圈風重疊時計兩番。

搶槓：人哋開槓嘅牌正好係自己食糊嘅牌。可以搶加槓^[4]。唔可以搶暗槓（只有十三幺可以搶暗槓）。

兩番[编辑]

一台花：集齊同一系列（梅蘭菊竹或春夏秋冬）嘅花牌，唔再計正花。
槓上開花：明槓／暗槓／加槓嘅槓上開花計兩番自摸。明槓出槓者包^[5]。
海底撈月：自摸最後一隻牌食糊^[6]。計兩番自摸。

三番[编辑]

花胡：集齊七隻花牌，當三番自摸。詳見花糊牌規。
對對胡：只有刻子嘅糊牌。
混一色：只有一種花式（筒、索或萬）跟番子嘅糊牌。

四番[编辑]

花幺^[7]：只有一、九、番子嘅糊牌。唔再計對對糊。另計番牌^[8]。

例：

五番[编辑]

小三元^[9]：以中、發、白組成兩個刻子、一對眼嘅糊牌。唔再計三元牌。

例：

六番[编辑]

小四喜^[10]：以東南西北組成三個刻子、一對眼嘅糊牌。另計混一色、混一色加對對糊或字一色，但唔再計門風或圈風，最少有九番。

例：

七番[编辑]

清一色^[11]：只有一種花式（筒、索或萬），冇番子嘅糊牌。

例：

八番（例牌）[编辑]

大三元^[12]：集齊中、發、白三個刻子嘅糊牌。唔再計三元牌。

例：

大花糊^[13]：俗稱八仙過海。集齊八隻花，當四番、八番或例牌自摸。睇花糊牌規。

例：

槓上槓自摸^[14]：連續開兩個槓之後食糊。開第二槓一定要係第一槓嘅補牌，否則當普通嘅槓上開花^[15]。兩槓之間要補花就唔算槓上槓。如果第一槓係明槓時當出銃，當包自摸計。三、四連槓嘅第一槓係明槓時都當出銃，當包自摸計^[16]。

十番（例牌）[编辑]

字一色^[17]：又叫全字糊。只有番子嘅糊牌。另計番牌，但唔再計對對糊。

例：

清幺九^[18]：又叫清幺、幺九、清老頭。只有一，九嘅糊牌，唔再計對對糊。

例：

十三番（例牌 - 上限番數）[编辑]

天胡：莊家一開牌就食糊（可以食雞糊，補花後可以食，暗槓後唔食得^[19]）。
地胡：食莊家打嘅第一隻牌（可以食雞糊，任何一家補花後都可以食，但莊家開槓後唔食得）。
十三幺^[20]：以門清集齊十三種幺牌（一九筒、一九索、一九萬、東南西北中發白）各一張，再加其中一張做眼。唯一可以搶暗槓嘅番種。

例：

大四喜^[21]：以東南西北組成四個刻子嘅糊牌。但唔再計對對糊。

例：

十八羅漢^[22]：開咗四個槓嘅糊牌。食糊時牌數要有十八張^[23]。

其他非常用番種[编辑]

根據唔同自訂規例可以有呢啲較少人用嘅番種：

冚手胡：類似日本牌嘅「雙立直」，即係叫糊後門清，計兩番。
混幺九：拎到一、九四副刻子同一對番子將眼。計九番。
人胡：喺第一輪因有人出銃而食糊。計三番或例牌。
鐘鼓齊鳴：又叫「槓爆」，海底撈月兼槓上開花。計三番或例牌自摸。
坎坎胡^[24]：又叫簡簡糊、刻刻糊、四暗刻。冇碰、槓過嘅對對糊。唔可以開暗槓^[25]。要門清集齊四個刻子。自摸先可以食糊^[26]。
九子連環^[27]：又叫九蓮寶燈。門清集齊同花式 1112345678999 另加任何一隻同花式牌食糊。自摸集齊牌型就可以食^[28]，食出銃必定要叫九飛。計十番。

例：

包牌規則[编辑]

根據傳統，如果打半銃制：任何糊牌嘅九章落地包出銃、十二章落地包自摸。

以下係打全銃制，通常嘅包牌罰則：^[29]

清一色落地：十二章落地（最後一家打出讓玩家上/碰/槓第四次）要包自摸。如果唔係食出清一色就唔使包。
清么九落地：十二章一、九牌落地包自摸，如果唔係食出清么九就唔使包。
字一色落地：十二章番子牌落地包自摸，如果唔係食出字一色就唔使包。
大三元落地：中發白落地包自摸^[30]，或根據唔同自訂規例，亦需要包出銃者一半分數。
大四喜落地：東南西北落地包自摸，或根據唔同自訂規例，亦需要包出銃者一半分數。
十八羅漢落地：四槓落地包自摸，或根據唔同自訂規例，亦需要包出銃者一半分數。

詐糊罰則[编辑]

詐糊嘅定義係：打開晒十四隻牌但係食唔到糊^[31]。例如唔係一副食到糊嘅牌型，或者食唔夠起糊番數（通常係三番）。

根據慣例，因為你阻住牌局進行，同埋大家做大牌嘅機會，所以食詐糊係要賠自摸最大番數。

花糊牌規[编辑]

通常情況下，花糊計三番自摸，大花糊計四番、八番或例牌自摸。
可選擇唔食。補咗花後就唔可以食。（閒家一開牌七隻花以上除外，見下文。）
根據唔同自訂規例：海底撈月，明槓/暗槓/加槓嘅槓上自摸花糊計加多一番自摸，明槓出槓者包。
根據唔同自訂規例：槓上槓自摸花糊會當六至八番或例牌自摸，如果第一槓係明槓就由出槓者包。
根據唔同自訂規例：小相公可以食，大相公唔食得。
根據唔同自訂規例：莊家一開牌七隻花以上當天糊，如果一開牌唔夠七隻花但經過數次補花後集齊七隻花亦可當天糊（暗槓後唔算）。
閒家一開牌七隻花以上，要補花及等到自己第一次摸牌嘅機會才可以食花糊。唔計地糊。自己曾經上碰過或過了自己第一個摸牌嘅機會之後就唔可以食。

分數計算[编辑]

通常以閒家3番4個籌碼（全銃制係出銃者16個籌碼）為基礎，一百個籌碼為一底嚟計算金錢嘅輸贏。^[32]

傳統蔴雀以4番為滿糊，之後通常以半辣上，每兩番至跳一倍。

全銃制嘅分數計算^[33]
番數	出銃	自摸
（0番）	1	（自摸最少一番）
（1番）	2	3-1
（2番）	4	6-2
3番	8	12-4
4番	16	24-8
5番	24	36-12
6番	32	48-16
7番	48	72-24
8番	64	96-32
9番	96	144-48
10番	128	192-64
（11番）	192	288-96
（12番）	256	384-128
（13番）	384	576-192

註[编辑]

^ 根據唔同自訂規例，如果打花牌，通常唔計門前清，但亦可加入門清打法
^ 根據唔同自訂規例，暗槓如果唔使翻出來（採用台灣麻雀規例）嘅話，開暗槓就唔影響門清狀態
^ 根據唔同自訂規例，眼唔可係番子，及/或唔可以食卡隆、偏章、單吊聽牌
^ 根據唔同自訂規例，搶槓當自摸，開槓嘅一家包。用無截糊嘅準則時，多過一家同時搶槓就當齊齊自摸，開槓嘅一家要包輸所有食糊者
^ 根據唔同自訂規例，槓上開花一律計兩番自摸，家家賠，但出槓者要包輸三家自摸。
^ 根據唔同自訂規例，食最後一隻打出嘅牌，稱河底撈魚，亦可加一番
^ 根據唔同自訂規例，會當三至六番
^ 根據唔同自訂規例，唔計任何番數（只當對對糊計）或當四番咁計。
^ 根據唔同自訂規例，會當三至六番咁計
^ 根據唔同自訂規例，會當四至十番
^ 根據唔同自訂規例，會當六至八番咁計
^ 根據唔同自訂規例，會當五至八番或例牌咁計
^ 根據唔同自訂規例，會當四番、八番或例牌咁計
^ 根據唔同自訂規例，會當二至四番自摸咁計
^ 根據唔同自訂規例，可以開跟第一槓嘅補牌唔同嘅槓
^ 根據唔同自訂規例，明槓時一律當普通自摸計，家家賠
^ 根據唔同自訂規例，當清一色對對糊計，最少十一番
^ 根據唔同自訂規例，唔當例牌
^ 根據唔同自訂規例，可以食花糊
^ 根據唔同自訂規例，俗稱「牌王」。
^ 根據唔同自訂規例，會當十番或例牌咁計。
^ 根據唔同自訂規例，會當十番至十八番或例牌咁計
^ 根據唔同自訂規例，唔當例牌。
^ 根據唔同自訂規例，會當五至八番或例牌咁計
^ 根據唔同自訂規例，暗槓如果唔使翻出來（採用台灣麻雀規例）嘅話，開暗槓就唔影響坎坎胡狀態
^ 根據唔同自訂規例，坎坎胡必定要自摸，單吊牌出銃食糊都得，如果雙眼對碰食出銃就只當門清對對糊計。
^ 根據唔同自訂規例，只當清一色計
^ 由於香港牌自摸牌可以入手，因此好難斷定係唔係已經叫九飛
^ 根據唔同自訂規例、任何糊牌嘅十二章落地，包括雞糊都要包自摸
^ 如果自摸字一色，只計字一色十二章嘅包自摸，因為字一色係例牌，唔另計大三元。
^ 嚴格嚟講，如果喺違反糊一不糊二（即係同一巡內第一隻唔食揀第二隻食）嘅情況下開咗牌都算詐糊，但如果打出唔食，自摸同一隻牌食糊的話就唔算詐糊
^ "籌碼計算方法"
^ http://bonep.blogspot.com/2010/02/blog-post_06.html

參見[编辑]

外部連結[编辑]

花式及番數（廣東牌）

香港蔴雀是蔴雀的其中一種玩法，雖然與廣東蔴雀差不多，但番種少很多，實際上是屬於較傳統的「清章」（一說「舊章」）打法，有別於新章的廣東蔴雀。

遊戲規則，最快集齊「四組一對」就勝出（十三幺是唯一不同的番種）。「四組一對」即集齊「順子」同／或「刻子」共四組，加「眼」一對。