用户:AINH/香港政治人物学历争议

喺香港，有啲议员或政治人物喺宣传自己或者同公众沟通嘅时候，都会提到自己嘅学历。不过，当中就有人试过陷入争议，甚至被指控拥有来自野鸡大学嘅假学历。

涉事政治人物列表

人物	所属政党 / 阵营	有争议之学历	争议所在
葛珮帆	亲中派民建联	格林威治大学 (诺福克岛)哲学博士（管理）、工商管理硕士、工商管理学士	2007年传媒报导，呢间大学只系未经评审嘅“文凭工厂”，学位未获澳洲同美国政府承认，整个课程费用唔使一万美金。被民主派质疑嘅时候，葛回应话“用9年时间好辛苦读返嚟，系捱返嚟嘅”，但被问到见证佢博士学历嘅论文嗰阵，佢就话无留底。
郑琴渊	亲中派民建联	菲律宾太历国立大学教育管理博士课程	郑琴渊被揭发喺2012年5月经香港管理专业协会(HKMA)入读菲律宾太历国立大学（TSU）教育管理博士课程，翌年4月毕业，相比HKMA网页所指嘅三年修读期差别很大。另外，郑琴渊报读嘅教育博士课程，本来要读16个学科，但TSU发出嘅课程纪录就显示她只读了四科，其余12科都系以学分转移（credit transfer）方式豁免修读。学者成名指，16科豁免12科，比例实在太高。而教育学院前讲师，立法会议员叶建源也认为郑嘅情况唔合理，因为管理教育机构嘅学科难以同社会科学拉上关系 。 郑接受记者就有关事情查询嗰阵，佢就话记者喺度挖疮疤，另外佢曾经主动入禀高院，承认选举期间声称拥有嘅哲学博士学历，系属于虚假同误导嘅资料，向法庭申请免责并确认当选有效。但当时她向法庭宣称“将获颁发”嘅博士学历、进展，同结果都“不知所终”。
柯创盛	亲中派民建联	诺丁汉特伦特大学	柯创盛对外声称有硕士学历，但最初无申报自己喺边间大学度读，被记者问到就答唔出，仲话‘迟啲补充畀你’。之后，佢声称曾入读英国大学（Nottingham Trent University）嘅工商管理硕士课程，但校方喺学生纪录入面，就揾唔到柯创盛嘅名。
何君尧	独立亲中派	英国州玛高等教育学院	何君尧曾经声称自己1984年喺英国州玛高等教育学院（现为安格里亚鲁斯金大学）攞到荣誉法律学士学位，但安格里亚鲁斯金大学喺1992年才成立，英国州玛高等教育学院之前只系专上学院，有网民质疑何当年所获嘅唔系学士学位，只系专上教育文凭。何君尧回应事件嘅时候，就攻击网民，话人钟意算旧账，有心理上嘅缺憾，只系识得谂屎桥，又叫啲人唔好嚟佢嘅学位边度嚟，总之就唔系野鸡。

外间反应

对于亲中派唔少人拥有具争议嘅学历，民主派有部分人士除咗会公开质疑，甚至会作出法律行动。例如，喺2016年香港立法会选举，喺九龙东出选嘅民主党胡志伟，亦曾经喺选举论坛上质疑柯创盛。有“长洲复核王”之称嘅郭卓坚，就曾经就葛珮帆同柯创盛嘅学历入禀法院，指责佢哋误导选民，要求取消佢哋嘅议员资格。

参考

[[Category:香港]]